【管理MPF，要快思亦要慢想！】
積金丸最近睇咗一本行為經濟學嘅經典書藉《快思慢想》(Thinking Fast and Slow)，裡面提到人做決定嘅時候會涉及兩個系統：(一) 快速或者主觀嘅直覺; (二) 理智嘅考量同埋分析。原來人係傾向選擇不加思索，因為系統一係比較容易啟動，亦都無系統二咁費神同花精力，而好多香港人亦習慣用「快思」去處理自己嘅MPF，只靠當下嘅感覺，或者朋友話好就會跟住買，甚至睇到某隻基金回報高就揀。
不過要好好管理MPF，除咗快思，亦都要慢想，以風險承受能力為例，除咗一啲主觀因素例如你嘅性格影響你對風險嘅態度之外，亦都要考慮一下客觀因素包括投資期，例如你比較年輕，即係距離退休嘅年期較長，有較長嘅時間抵禦投資市場嘅波動，就可以考慮比較進取嘅MPF投資組合啦！
#滾續達人 #MPF #唔好只憑感覺 #快思慢想
Search